Tok trippelgull
Hallinggutane gjorde reint bord i juniorklassane på Kongsberg.
Langrenn: Fleire hallingar var i aksjon då kretsmeistrane i sprint vart kåra under Kongsberg skifestival i helga.
I juniorklassane på gutesida tok hallingar gull i alle klassar.
Artikkelen held fram under annonsen.
Yngstemann av juniorane, Bjørnar Stensrud Tyribakken (Nesbyen) spurtslo Emil Sørgård på målstreken og sikra gullet i 17-årsklassen. I årsklassen over vart det kretsmeister frå Gol, då Emil Intelhus Brøto sikra sigeren.
I m19/20 var det Trym Halbjørhus Fikke frå Hemsedal og Team Hallingdal som var raskast og sikra sigeren.
På jentesida var bronsemedaljen til Guri Sollien Hulbak (Hemsedal) i 16-årsklassen den einaste medaljen i sprint.
