Kåre Nyhus, Fritz Bjølverud, Åge Strand, Sigbjørn Tormodsgard, Leif Ove Helling og Nils Arne Helling. Bak f.v.: Birger Asgrimplass, Mathias Rekve, Karl Hansen, Gunnar Nyhus og Helge Bretun.
Kåre Nyhus, Fritz Bjølverud, Åge Strand, Sigbjørn Tormodsgard, Leif Ove Helling og Nils Arne Helling. Bak f.v.: Birger Asgrimplass, Mathias Rekve, Karl Hansen, Gunnar Nyhus og Helge Bretun.

Hundre år med Ål-fotball

I år er det 100 år sidan fotballspelarane i Ål vart organisert i Ål idrettslag. Det blir feira med jubileumsturnering.

Magnus Lindahl
Publisert: 01.10.2015 00:00 Sist oppdatert: 15.02.2017 19:22

Det ligg an til ein skikkeleg mimredag på Bråta laurdag ettermiddag. Ålingane har invitert lag frå Gol og Nesbyen, frå den verkeleg harde tida på 1960- og 1970-talet, for å feire hundre år med fotball.

Gamle klassikarar

– Dette er den gamle garden, seier leiar i fotballgruppa i Ål idrettslag, Nils Egil Vedvik.

Artikkelen held fram under annonsen.

Tysdag trena ålingane på Bråta. Spørsmålet er kva golingane og nesningane kjem med.

– Eg håpar dei klarer å stille lag. Dette skal berre vere morosamt, seier Vedvik.

Det skal spelast tre kampar på liten bane. Og ettermiddagen blir avslutta med det som var fotballklassikar nummer ein i Hallingdal: Nesbyen mot Gol. Så spørst det, då, om spelarane har roa tenningsnivået.

Jentene fekk organiserte lag frå 1980. Sidan har idrettslaget satsa med jentene, og klubben har i dag mange jenter med. Ål idrettslag har også vore ambassadørklubb for å få fleire jenter på banen.
Jentene fekk organiserte lag frå 1980. Sidan har idrettslaget satsa med jentene, og klubben har i dag mange jenter med. Ål idrettslag har også vore ambassadørklubb for å få fleire jenter på banen.

– Me håpar å unngå skader. Men dei var jo rå før i tida, humrar Vedvik.

Kom med jernbanen

Den fyrste organiserte fotballen kom til Ål med Bergensbanen.

Stasjonsmeisteren starta eit lag alt i 1913, eitt år etter det som er rekna som det fyrste laget som spelte organisert fotball i Hallingdal, Nes IL.

23. mai 1915 vart fotballgruppa i Ål idrettslag stifta. Og i juli for eitt hundre år sidan vart det fyrste lokaloppgjeret mellom to lag i Hallingdal spelt. På Ekserserplassen i Nesbyen vann nesningane 2–0 i det historiske oppgjeret. Fotballen før andre verdskrig var lite organisert, men det var på eit tidspunkt fleire lag i Ål: Kvikk Sando, Aal Arbeideridrettslag og Tidsfordriv frå Kvinnegardslia.

Stordomstida for fotballen i Hallingdal var frå 1957 til 1979 då det var felles serie med Hallingdal og Valdres. Sidan gjekk seniorfotballen i bølgedalar, og i dag har ikkje Ål seniorlag. Men breidda i yngre lag, både for jenter og gutar, er stor.

Artikkelen held fram under annonsen.

Og fotballen rullar vidare. 100 år etter dei fyrste pionerane.

SPORT