Full fart igjen - fleire hundre syklistar på camp i Hallingdal
Vindfall har skapt meirarbeid for sykkelarrangørane i Nesbyen.
Omkring 500 terrengsyklistar kjem komande helg til bygda for å få luft under hjula. Det er tre år sidan sist sykkelcampen vart arrangert - og no er det endeleg full fart igjen.
– Det blir mykje folk, seier Ove Roen-Grøndal i Trailhead Nesbyen, som arrangerer campen.
Artikkelen held fram under annonsen.
– Me har aldri hatt eit så stort førehandssal, seier han
Måtte rydde
I år fekk arrangøren eit uventa problem i fanget. Stormen i november i fjor var hard med skogen. Det merka ein også i sykkelløypene der vindfall låg over sykkelstiane.
– Det er nedfall overalt. Men dei mest brukte sykkelstiane er rydda og klare til bruk, seier Roen-Grøndal.
Eldorado
Nesbyen har bygd seg opp til å bli ein sykkeldestinasjon og eit eldorado for terrengsyklistar med ei utal av stiar ned dalsida, spesielt på Nesbyen austside der basen for denne campen også er.
– Her samlast både gode og mindre gode terrengsyklistar. Det er ingen konkurranse, det er snakk om å få sykla mest mogleg, seier Ove Roen-Grøndal.
