Avslutta med tap
Hallingdal FK avslutta vårsesongen med heimetap for Røa.
Laurdag ettermiddag tok hallingane imot oslolaget heime på Hallingmo.
Begge lag hadde store sjansar i fyrste del av fyrsteomgangen, men det var oslolaget som scora fyrst. Etter halvtimen spelt kom scoringa på ein corner.
Artikkelen held fram under annonsen.
Det var også stillinga til pause. I opningsminutta av andre omgang hadde HFK sjansen til å utlikne, men utan hell. Heimelaget hadde fleire større sjansar, men i staden for utlikning var det Røa som gjekk opp til 2-0 mot slutten av kampen. Det vart også resultatet, og HFK avslutta vårsesongen poenglaust på heimebane. No tek laget nokre veker fri, før oppkøyring til Norway Cup og seriespel i august.
