To brannar denne helga
Ei hytte vart totalskadd i ein brann ved Lykkja i Hemsedal laurdag kveld.
Brannen vart varsla i 23-tida laurdag kveld, opplyser operasjonssentralen ved Nordre Buskerud politidistrikt.
Det var ingen personar i hytta, og ingen personskade, men hytta vart totalskadd i brannen.
Artikkelen held fram under annonsen.
Brann i Hovet
Natt til laurdag rykka naudetatane ut etter melding om brann i ein bygning ved Hovet. Brannen vart varsla litt før klokka 1 på natta. Det var ingen personar i huset, men huset vart totalskadd og brannvesenet måtte drive ettersløkking gjennom store deler av natta.
