Gasslekkasje i Hemsedal
Fredag kveld fekk politiet melding om at det lak gass frå ein propantank ved ein overnattingsstad i Hemsedal.
Gasstanken hadde truleg blitt utsett for skadeverk. Brannvesen, sjukebil og politi vart sendt til staden.
Artikkelen held fram under annonsen.
Ein tilsett greidde raskt å stenge gassen, og hindra ein større lekkasje.
Politiet opplyser at saka vil bli etterforska.
Fyll og bråk
Politiet måtte elles rykkje ut fleire gonger etter melding om fyll og bråk i Hemsedal denne helga.
Klokka 4 natt til laurdag fekk politiet melding om husbråk på ei privatadresse i Hemsedal. Ei dame i 30-åra vart sett i drukkenskapsarrest.
Natt til sundag måtte politiet sende ein patrulje til ein utestad i Hemsedal, etter at ein gjest hadde slått til dørvakta.
