Trafikken stoppar opp - Rv7 stengt også i øvre Hallingdal
Tysdag ettermiddag er Rv7 stengt også i Ål.
Statens vegvesen melder at vegen er stengt ved Breie, vest for Ål sentrum.
Fleire stader fossar det vatn inn i vegbanen. For eksempel i området Top Camp Hallingdal.
Artikkelen held fram under annonsen.
På mange sidevegar er det også problem, og det blir jobba på spreng med å halde vatnet unna viktige vegar.
Rv7 er også stengt like sør for Nesbyen. Det er omkøyring via Ruudvegen på austsida av sentrum. Her går trafikken sakte på grunn av ein bekk som har gått over sine bredder. Stikkrenna som tek i mot denne er tett, og det er sett i gang arbeid for å løyse dette.
I Hol er Fv50 stengt mellom Hagafoss og Holet der det har gått eit stort jordskred.
