To nye smittetilfelle i Ål - rundt 50 personar er i karantene
Ål fekk måndag eit smittetilfelle som dei enno ikkje heilt har fått avklart. Onsdag fekk dei to nye smitta som har samanheng med måndagens tilfelle.
– Det er eit omfattande sporingsarbeid og mange i karantene, seier kommuneoverlege Geir Strømmen til Hallingdølen onsdag kveld.
Som følgje av smittetilfella denne veka er blant anna ei avdeling i Sundre barnehage sett i karantene, samt ein skuleklasse ved Ål vidaregåande.
Artikkelen held fram under annonsen.
Tidlegare onsdag sa Strømmen til Hallingdølen at han venta i spenning på ein del prøvesvar i dag.
– Det er slik når me jobbar med nærkontaktar, noko blir avklart men så kjem det nye moment inn. Det vart tatt mykje prøver i går, som me ventar svar på i dag. Me er spente på om det vil gi ytterlegare spreiing, sa han då.
No er Ål oppe i fem smittetilfelle totalt.
Talet på smitta i Hallingdal og Nore og Uvdal fortset å auke. I heile regionen er det no 39 koronasjuke. Dei fordeler seg slik:
Flå: 3
Nesbyen: 5
Gol: 20
Hemsedal: 3
Artikkelen held fram under annonsen.
Ål: 5
Hol: 2
Nore og Uvdal: 1
