Sprit på butikken
Både handsprit og plasthanskar er tilgjengeleg for Spar sine butikkundar i Ål.
Ingunn Melvær forsyner seg med handsprit før ho skal inn å handle ein kjapp tur på jobben:
– Det er vanskeleg å få tak i antibac for tida, og det er greitt å vera på den sikre sida, seier ho.
Artikkelen held fram under annonsen.
Grunna koronaviruset har Spar-butikken sett ut både handsprit og plasthanskar for å førebygge smitte. Handlevogner blir også spraya med antibac.
Butikkmedarbeidar Jarle Simonsen fortel at det kom på plass måndag:
– Det er populært og fleire nyttar seg av tilbodet, fortel han.
Inger Kleiven tek på seg plasthanskar før ho set i gang med handleturen:
– Eg gjer det for sikkerheits skuld, men det er fyrste gong eg tek slike på. Eg held meg mest heime som pensjonist, fortel ho.
Kleiven synest det er bra at tilbodet finst i butikken, men synest koronaviruset bli hausa opp mykje i media:
– Eg tenker at tradisjonelt sett har nordmenn god helse og godt immunforsvar, seier ho.
Vil du lese fleire nyheiter om koronaviruset? Sjå vår samleside her
Artikkelen held fram under annonsen.
