Kjøkkensjef Mahmoud Alvinasab (t.v.) og dagleg leiar Yusuf Çolak har opna Al Paso Pizza Grillhouse på Geilo. Karane har spesialisert seg på tyrkiske rettar som denne, ein mix grill med kyllingfilet og indrefilet av okse grilla på spidd, marinert kjøttdeig, beyti, ein saus av mosa grønsaker, og det tyrkiske brødet dawas.
Kjøkkensjef Mahmoud Alvinasab (t.v.) og dagleg leiar Yusuf Çolak har opna Al Paso Pizza Grillhouse på Geilo. Karane har spesialisert seg på tyrkiske rettar som denne, ein mix grill med kyllingfilet og indrefilet av okse grilla på spidd, marinert kjøttdeig, beyti, ein saus av mosa grønsaker, og det tyrkiske brødet dawas.

Spesialistar på tyrkisk mat

Tyrkiske spesialitetar laga frå botn av står øvst på menyen hjå nyopna Al Paso Pizza Grillhouse på Geilo.

Torunn Akersveen Lied tal@hallingdolen.no
Publisert: 15.03.2012 00:00 Sist oppdatert: 23.02.2017 14:46

– Me lagar stort sett alt frå botn av der og då, og det er tyrkiske rettar som er spesialiteten vår, seier kjøkkensjef Mahmoud Alvinasab.

Han har saman med kollega og dagleg leiar Yusuf Çolak drive restaurant sidan 1. mars. Begge har årelang erfaring frå norsk restaurantbransje.

Artikkelen held fram under annonsen.

Gode hjelparar

At alt skulle klaffe i arbeidet med å realisere ideen om eigen restaurant, var eigentleg ganske tilfeldig.

– Me kom i kontakt med dei som har med bygget å gjere, Geilolia ferieleiligheter. Dei kom med eit bra tilbod, og me slo til. Sidan har dei vore eineståande til å backe oss opp, seier Alvinasab.

Lunsj

Ekteparet Aslaug og Magnus Haugen frå Geilo er i lunsjmodus.

– Når me lagar tyrkisk mat brukar me mest grill, og me lagar stort sett alt frå botn av der og då, seier kjøkkensjef Mahmoud Alvinasab (t.h.), her saman med kokk Nulidin Misim.
– Når me lagar tyrkisk mat brukar me mest grill, og me lagar stort sett alt frå botn av der og då, seier kjøkkensjef Mahmoud Alvinasab (t.h.), her saman med kokk Nulidin Misim.
– Me måtte prøve ut den nye restauranten, seier Aslaug og Magnus Haugen frå Geilo som her blir servert av Yusuf Çolak.
– Me måtte prøve ut den nye restauranten, seier Aslaug og Magnus Haugen frå Geilo som her blir servert av Yusuf Çolak.
Det tyrkiske brødet pide som Yusuf Çolak her tek ut av omnen, blir vanlegvis servert til mellom anna lasagne.
Det tyrkiske brødet pide som Yusuf Çolak her tek ut av omnen, blir vanlegvis servert til mellom anna lasagne.

– Me tenkte me måtte prøve ut den nye restauranten, og me har fått veldig god service, så no stoler me på det dei har laga til, seier Aslaug Haugen.

Ambisjonar

– Det er så trivelege folk her, seier Çolak etter at dagens første gjestar er servert. Me har hatt nok å gjere på kjøkkenet så langt, så det har vore ein god oppstart, seier Alvinasab.

– Målet er at folk skal bli glade av å ete her. Når gjestene blir glade, blir eg og glad, smiler Çolak.

NYHEITER