Sovna frå kjelen - då vart det utrykking

Ein vekter rykte ut på alarm frå ein bustad i Hemsedal natt til sundag. Der stod kjelen og tørrkokte.

Meldinga kom inn like over klokka eitt natt til sundag. Då alarmen gjekk i ein bustad i Hemsedal, rykte vektaren ut. I huset stod det ein kjele og tørrkokte.

Det var ein person til stades i huset, ein mann i 30-åra. Han var ikkje edru, og hadde sovna frå kjelen. Mannen vart sjekka av ein ambulanse og politiet opprettar sak. Han blir meldt for å ha vore aktlaus, opplyser operasjonssentralen hjå Sør-Øst politidistrikt.