Skjena ut av køen
To personar er frakta til Ringerike sjukehus etter ein frontkollisjon syd for Flå.
Politiet fekk melding om at det hadde skjedd ei ulykke 3 kilometer sør for Flå. Ulykka vart varsla klokka 17 på påskeeftan.
Lettare skader
Ein sørgåande bil skjena ut av køen og trefte ein møtande bil front mot front. Berre desse to bilane var involvert i ulykka.
Artikkelen held fram under annonsen.
Det var til saman fire personar i dei to bilane. Føraren og passasjeren i den sørgåande bilen er frakta til Ringerike sjukehus med lettare skader.
Dei to som sat i den møtande bilen vart sjekka av AMK-personalet på staden. Dei kom frå ulykka utan skader.
Fekk førarkortet inndrege
Føraren i sørgåande bil fekk førarkortet inndrege på staden. Det blir oppretta sak.
Det blir drive med oppryddingsarbeid på skadestaden, og politiet opplyser at publikum må rekne med litt kø forbi ulukkesstaden.
Klokka 18.40 opplyser dei at eitt felt er opna og at trafikken blir dirigert greitt forbi.
