Oskar Andreas Skulstad, Tore Haugen, Erik Kaupang, Marianne Stue, Nina Dalen, Britt Aasen Braaten, May Britt Vasby, Hans Ola Larsgard, Jan Arne Øen, Mari Fjørtoft Bjørnstad og Terje Teigen.

Nye namn i Hol Ap

Hol Arbeiderparti har laget klart før haustens kommuneval.

Magnus Lindahl

Publisert: 20.02.2015 00:00 Sist oppdatert: 15.02.2017 19:26

Onsdag kveld vedtok nominasjonsmøtet den endelege lista.

– Me er fornøgde med lista. Det ser bra ut, seier leiar i Hol Ap, Terje Teigen.

Nye namn

Alt før jul vart det klart at Petter Rukke blir partiets ordførarkandidat.

Han toppar sjølvsagt lista. Med seg får han også tidlegare ordførar Erik Kaupang, pluss Mari Fjørtoft Bjørnstad og Jan Arne Øen som alle representerer partiet i kommunestyret i dag. Resten av partiets gruppe i kommunestyret med Sissel Hovland, Trine Raknes, Anbjørg Næsse og Harald Havikhagen har takka nei. Dermed forsvinn halvparten av partigruppa. Men inn kjem nye namn, og eitt namn det er verdt å merke seg er Britt Aasen Braaten. Det er nemleg kona til Høgres ordførarkandidat Petter Braaten.

Vil ha ordføraren

Målet for Hol Ap er klart for hausten val:

– Me vil ha ordføraren. Og me satsar på å få inn ni mandat, seier Teigen.

Det vil i så fall bety eitt mandat meir enn partiet har i denne perioden. Det har Teigen trua på at partiet kan greie. Ved forrige val fekk partiet 36 prosent av røystene.

– Det er aukande interesse for Arbeiderpartiet i Hol om dagen. Me har fått fleire innmeldingar den siste tida, seier Teigen.