Ni involvert i trafikkuhell
Tre bilar var involvert i ei møteulykke på Rv52 på Hemsedalsfjellet fredag.
– Det var ingen som stod fram som alvorleg skadd i samband med uhellet, seier Inge Værøy ved Sogn og Fjordane politidistrikt til NRK. Tre bilar var involvert i det som blir omtala som ei møteulykke, men altså utan alvorlege personskadar. Det var til saman ni personar i dei tre bilane. Det var ei tid manuell dirigering på staden, men høve til passering for andre.
Politiet i Nordre Buskerud melde om trafikkulykka ved Eldrevatn ved fylkesgrensa mellom Sogn og Fjordane og Buskerud fredag i 1230-tida.
