Her blir brua over Rv7 stengt på nytt - uvisst når den opnar att
Onsdag kveld vart brua over Hallingdalselva i Nesbyen stengt for andre gong.
Då Hallingdølen passerte staden rundt klokka 19.30 vart det sett opp sperringar på begge sider av brua: Hit, men ikkje lenger.
Det same skjedde også tidlegare onsdag; då var det mistanke om sig i fylling eller fundament under brua. Viken fylkeskommune kom på inspeksjon, men fann ingen feil eller synlege skader.
Artikkelen held fram under annonsen.
Dermed vart brua opna att - men altså berre i nokre timar.
Seinare melder Nesbyen kommune at brua førebels er stengt. Dette skal vere for å sikre seg mot eventuelt mykje regn gjennom natta. Kommunen kjem samtidig med ei oppdatering på alle vegane i kommunen:
* Rv7 er framleis stengt. Det er Statens vegvesen som har ansvar for riksvegen, og avgjer når den opnar att. Først må vasstanden gå ned.
* Rukkedalsvegen er framleis stengt, og ikkje køyrbar mellom Nesbyen og Rukke. Vegen frå Numedal via Jordesli til Rukkedalen/Bostjern/Nystølen er bekrefta open.
* Rudvegen er åpen.
* Liodden bru er framleis stengt, men det går an å køyre via Todalen.
* Alfarvegen er open, inkludert Hahjembrua, som vart opna for normal drift i onsdag ettermiddag.
* Vegar som er sjekka ut og er farbar: Vassfarvegen fram til bommen, Thoen, Storeli, Benterudvegen, Fløtavegen og Liavegen.
Artikkelen held fram under annonsen.
Entreprenør er i gang med utbetringar på Gjeitsund og Bergheim. Entreprenør er også i gang med utbetringar på Espeset og i Gudbrandsrud.
Lurer du på status for Rv7 oppover dalen? Den kan du sjå her.
