Gaupe felt i vårt jaktområde - jakta held fram
Laurdag føremiddag er det felt ei gaupe i Nore og Uvdal.
Det skjer same dag som gaupejakta starta opp att i jaktområde 1, som er Numedal, Hallingdal og Ringerike.
Jakta vart stoppa 1. februar etter at det vart felt ei hogaupe på Ringerike.
Artikkelen held fram under annonsen.
Denne veka bestemte rovviltnemnda for region 2 å opne for jakt att, etter ei totalvurdering. Det kan fellast inntil fire dyr i jaktområde 1, kor av ei kan vera vaksen hogaupe.
Laurdag ettermiddag vart det stadfesta at det var ei hanngaupe som vart felt i Nore og Uvdal. Det betyr at jakta i Hallingdal, Numedal og Rinerike held fram.
Også i Hallingdal har det blitt jakta i dag. Jaktleiar i Nesbyen, Knut Halvor Jorde fortalde til Hallingdølen fredag at mannskapa var klare.
Hittil i jakta er det felt ni gauper av ei kvote på totalt 17 i region 2. Dyra er felt her: Ringerike, Kviteseid (2), Larvik, Kongsberg, Drangedal, Bamble, Rokke og Nore og Uvdal.
