Framleis moderat skredfare

Ferske nysnøflak og mogelegheit for våte laussnøskred gjer moderat skredfare.

Skredproblemet vil vere ferske nysnøflak på grunn av snøbyer og vind. Dette gjeld særleg for den vestlege delen av region Hallingdal, og faren er størst i austvende fjellsider. Lenger aust i regionen vil det vere større mogelegheit for sol. Solstrålinga vil varme opp det øvste laget i snødekket, slik at det kan losne våte laussnøskred. Ver også merksam på at skavlar kan knekke, skriv nettstaden varsom.no.