Ny person koronasmitta i Gol: – Det er innreisesmitte
Den smitta kom frå utlandet, og testa seg ved ankomst på flyplassen.
Måndag kveld fekk kommuneoverlege Jagannivasan Thurainayagam beskjed om at ein person som høyrer heime i Gol har fått positivt svar på koronatest.
– Det er snakk om innreisesmitte, seier kommuneoverlegen.
Artikkelen held fram under annonsen.
– Testen vart tatt ved ankomst flyplassen sundag. Vedkommande køyrde rett heim og har vore i karantene sidan, seier Thurainayagam.
Den smitta har med andre ord ikkje vore i kontakt med nokon. Dei einaste nærkontaktane er familiemedlemmar, og kommunen har full kontroll på situasjonen.
– Nærkontaktane vil bli testa i løpet av veka, seier Thurainayagam.
Tilfellet er det fjerde i Gol dei siste vekene.
