Mesteparten er maskinarbeid. Men siste finpussen må anleggsleiar Odd Steinar Skarsbø gjera med handreiskap.
Mesteparten er maskinarbeid. Men siste finpussen må anleggsleiar Odd Steinar Skarsbø gjera med handreiskap.

Bygger ut idrettsanlegg for 9,8 millionar

Kunstgrasbanen på Bråta, motocrossbanen på Oppsjø, og eit tilbygg på Liatoppen er under arbeid. Samla kostnad er på vel 9,8 millionar kroner.

Torbjørn Gunhildgard tg@hallingdolen.no
Publisert: 29.05.2012 00:00 Sist oppdatert: 23.02.2017 16:15

Det er stor byggjeaktivitet på anleggsfronten i Ål. Tre idrettsanlegg er under opparbeiding og oppgradering.

9,8 millionar

Totalkostnaden for dei tre anlegga er på vel 9,8 millionar kroner. Alle får statlege spelemidlar. Men det inneber også eit økonomisk krafttak for Ål kommune som må ut med 2,9 millionar i tilskot.

Artikkelen held fram under annonsen.

Kommunen følgjer også tidlegare praksis og forskotterer statlege spelemidlar. Men ettersom kapitalfondet er tomt, må kommunen låne pengar til forskottering og dele renteutgiftene med utbyggjaren fram til spelemidlane blir utbetalt. Saka var oppe til sluttbehandling i kommunestyret torsdag.

Kunstgras på Bråta

Største investeringa er kunstgras på grusbanen på idrettsanlegget på Bråta. Fotballgruppa i Ål idrettslag såg ingen annan utveg enn å gå laus på ei storinvestering på vel 5,1 millionar kroner. Sviktande oppslutning om den årvisse fotballcupen var klar tale om at fotball på grus høyrer fortida til.

– Arbeidet har gått raskare enn me trudde, sjølv om det vart meir utskifting av masse enn me rekna med. Grunnarbeidet er i sluttfasen. Det ligg an til at graslegginga kan starte i midten av juni og vera ferdig tidleg i juli, seier Kåre Gåsbakk.

Den nye motocrossbanen til Hallingdal Motocrossklubb på Oppsjø blir ferdig i løpet av sommaren eller hausten. Startflata og depotet mellom den gamle opplæringsbanen t.v. på biletet, og den nye er klar til oppgrusing.
Den nye motocrossbanen til Hallingdal Motocrossklubb på Oppsjø blir ferdig i løpet av sommaren eller hausten. Startflata og depotet mellom den gamle opplæringsbanen t.v. på biletet, og den nye er klar til oppgrusing.
Grunnarbeidet er i sluttfasen på den gamle grusbanen på Bråta i Ål. Kunstgraset skal rullast ut oppå eit 35 centimeter tjukt pukklag med fiberplast under.
Grunnarbeidet er i sluttfasen på den gamle grusbanen på Bråta i Ål. Kunstgraset skal rullast ut oppå eit 35 centimeter tjukt pukklag med fiberplast under.
Kunstgraset skal ligge på eit pukklag med fiberplast under.
Kunstgraset skal ligge på eit pukklag med fiberplast under.
Utbyggingsprosjektet på Liatoppen Skisenter omfattar eit tilbygg med garasje i underetasjen, større rennkontor og varmestugu i andre høgda, og fleire toalett ved sida av dei eksisterande.
Utbyggingsprosjektet på Liatoppen Skisenter omfattar eit tilbygg med garasje i underetasjen, større rennkontor og varmestugu i andre høgda, og fleire toalett ved sida av dei eksisterande.
Det blir større pass både for folk og maskinar i tilbygget på Liatoppen Skisenter.
Det blir større pass både for folk og maskinar i tilbygget på Liatoppen Skisenter.

Eit 35 cm tjukt pukklag med fiberplast under må på plass før kunstgraset kan rullast ut.

Crossbane på Oppsjø

Motocrossbanen på Oppsjø har hatt eit langt svangerskap. Etter 10–12 års ørkenvandring med fleire alternative plasseringar fekk Hallingdal Motocrossklubb (MXK) klarsignal på Oppsjø i fjor.

Arbeidet med å byggje ein vel 1300 meter lang crossbane på austsida av den eksisterande opplæringsbanen, starta rett etter påske. Depotet, startflata og halve støyvollen er ferdig opparbeidd. Anleggsleiar Odd Steinar Skarsbø håpar heile banen er ferdig på seinsommaren eller tidleg på hausten.

– Arbeidet har gått greitt, men me er avhengige av å få tak i nok fyllmasse til å gjera ferdig heile støyvollen, seier Skarsbø.

Totalkostnaden på tre millionar kroner blir finansiert med 700.000 kroner i spelemidlar, 700.000 i kommunalt tilskot, 250.000 kroner frå Sparebank 1 Hallingdal og resten i eigeninnsats.

Artikkelen held fram under annonsen.

Tilbygg på Liatoppen

På Liatoppen Skisenter er det også byggjeaktivitet. Der skal det opp eit tilbygg med grunnflate på 54 kvadratmeter i to plan ved sida av det eksisterande. I underetasjen blir det garasje, i toppetasjen blir det større rennkontor og varmestugu. Byggjeprosjektet omfattar også fire nye toalett ved sida av dei eksisterande.

– Grunnmuren er ferdig støypt. Byggjearbeidet skal Ål vidaregåande skole utføre, så eg veit ikkje når dei kan starte. Nybygget blir neppe ferdig før neste år, seier Kåre Hagen.

Byggjeprosjektet har ei kostnadsramme på 1.686.000 kroner. Liatoppen Skisenter, Ål kommune og spelemidlar dekkjer ein tredel kvar.

NYHEITER