To avisprisar til Hallingdølen

Hallingdølen fekk to diplom under prisutdelinga Best of Scandinavian News Design 2015 i helga.

Heideren fekk avisa for designen i magasinsaka om den svenske hesten Bejar som mista livet under andre verdskrig. Det er Eirik Dalseide, Magnus Lindahl og Embrik Luksengard som står bak reportasjen, som av juryen blir kalla ein svært god og annleis lokalhistorie. Avisa får også heiderleg omtale for fotoreportasjen «Blinkskot i villmarka» laga av bjørn- og ulvebileta til Thomas Mørch. Jarle Stanes, Arne Ole Lindahl og Embrik Luksengard står bak denne avissida. Juryen tykkjer det er fint å sjå at ei lita avis utmerkjer seg år etter år i den skandinaviske avistevlinga.