Det er fullt i kyrkjebenkene i julehøgtida. Gudstenesta i Ål kyrkje fyrste juledag var ikkje noko unntak.
Det er fullt i kyrkjebenkene i julehøgtida. Gudstenesta i Ål kyrkje fyrste juledag var ikkje noko unntak.

Julefreden senka seg

Folkemusikken forsterka den heilage stunda i Ål kyrkje 1. juledag.

Tone Merete Tho tmt@hallingdolen.no
Publisert: 26.12.2011 00:00 Sist oppdatert: 16.03.2017 13:52

På ein av årets mest heilage dagar opna Ål kyrkje dørene til folkemusikkgudsteneste.

Akkompagnert av ringinga frå dei gamle kyrkjeklokkene i Ål, tok ei nær fullsett kyrkje plass i benkene.

Artikkelen held fram under annonsen.

Folkemusikkliturgien til Jo Asgeir Lie forsterka den høgtidelege stunda.

Medkjensle

I preika si uttrykte Vigdis Moen Storhaug medkjensle med dei som ikkje har det så enkelt i jula. Slik som offera og pårørande etter 22. juli. Presten siterte statsminister Jens Stoltenberg sine ord om at 22. juli har lært oss at me berre har dette eine sårbare livet.

– Det har kome skuggar inn over landet vårt det siste halvåret. Men mørket kan ikkje overvinne lyset, sa Vigdis Moen Storhaug.

Margit Myhr (f.v.)., Ingebjør Sørbøen, Jo Asgeir Lie og Eilif Gundersen laga ei heilt spesiell gudsteneste i Ål kyrkje.
Margit Myhr (f.v.)., Ingebjør Sørbøen, Jo Asgeir Lie og Eilif Gundersen laga ei heilt spesiell gudsteneste i Ål kyrkje.
Vigdis Moen Storhaug uttrykte medkjensle med dei som har mista nokon og ikkje har det så enkelt i julehøgtida.
Vigdis Moen Storhaug uttrykte medkjensle med dei som har mista nokon og ikkje har det så enkelt i julehøgtida.
Mange nytta høvet til ta imot nattverd.
Mange nytta høvet til ta imot nattverd.

– Dei gode minna er våre mest dyrebare skattar, sa Vigdis Moen Storhaug, og siterer igjen statsministeren.

Mektig

Med musikarar framfor altaret leia av Jo Asgeir Lie, og Ål kantori på galleriet, vart folkemusikkgudstenesta fyrste juledag ei mektig oppleving.

Den kraftfulle songen og instrumenta fylte kyrkjerommet. Blant anna i den nydelege versjonen av Et barn er født i Betlehem, sunge på ein folketone frå Vigra.

I halvannan time stod tida stille. For mange var det kanskje nettopp då julefreden senka seg. Og me kunne rusle heim i polska-takt.

KULTUR