Bil i fjellveggen - mann i 50-åra omkom
Ein mann i 50-åra frå Vestfold omkom onsdag i ei bilulykke på Fv40 i Nore og Uvdal.
Det stadfesta politiet onsdag kveld. Dei pårørande er varsla.
Melding om hendinga kom klokka 13.58.
Artikkelen held fram under annonsen.
Ein bil hadde køyrt i fjellveggen på Fv40, mellom Nordre og Søre Skaget. Det var berre ein person i bilen då ulykka skjedde.
Den skadde vart ved 15-tida henta av luftambulanse. I 18-tida opplyste politiet at mannen hadde omkome.
Vegen vart stengt ei stund etter ulykka, og det pågjekk undersøking på staden av politiet og Statens vegvesen.
Klokka 19:15 melde Statens vegvesen at vegen var open for trafikk att.
