Julemoro i fjellet

Ungane jublar og folk storkoser seg i vinteridyllen Hallingdal i romjula.

- Me er veldig fornøgd, seier dagleg leiar i Nesbyen Alpinsenter, John Fredrik Nordby.

Mens snøen lava ned nyttårseftan kunne han berre gni seg i hendene over ein fabelaktig god jul- og nyttårstrafikk.

- Me har ein auke på 40 prosent frå i fjor, seier han.

Stor trafikk

Han er ikkje aleine om å juble over all snøen og den store trafikken.

I heile Hallingdal blir det meldt om uvanleg mykje folk i fjellet. Det er gode tider både for skiheisene og overnattingsbedriftene.

I fjor var det mildt og dårlegare føre i fjellet. I år er det eit snørikt Hallingdal som har teke imot julegjestene.

Moro i snøen

- Me har det så moro, seier ungane som baser i snøen på Nystølen i Nes-fjellet.

Dei kastar seg utfor bakkene med kjelkene sine. Dei kan ikkje ha det betre.

Som John Fredrik Nordby seier det:

- Alle er jublande glade no.