Så mange turistar har overnatta i Hallingdal i vinter

Turistbedriftene i Hallingdal fekk ein god start på vintersesongen.

Sviktande gjestedøgntal i fjor vart avløyst av plusstal i januar. Tala berre stadfestar inntrykket av ein svært god vintersesong.

Den gode vinteren heldt fram i februar. Statistisk sentralbyrå publiserte fredag tal som viser ein rekordhøg tilstrøyming til norske overnattingsstader. I januar og februar var det fire prosent fleire overnattingar enn i same periode i fjor.

Gode tal

Tala for februar er ikkje delt opp kommunevis enno.

Men dei kommunevisetala for januar ligg føre. Dei viser at Hallingdal hadde ein samla auke i kommersielle overnattingar i hotell, camping og hyttegrender 12,6 prosent, eller godt og vel 14.100 fleire overnattingar enn i januar 2017. Samla var det 126.080 overnattingar i Hallingdal i januar.

Hemsedal auka mest med 14,7 prosent til 67.600 overnattingar. I Hol var auken 13,9 prosent, og statistikken fortel om godt og vel 36.000 overnattingar. Gol hadde ein auke med 4,6 prosent til vel 17.000 overnattingar. I Ål var auken 5,7 prosent til dryge 4200 overnattingar. I Nes og Nore og Uvdal er ikkje hotellovernattingane registrert, men overnattingane i camping og hytter auka med 5,7 prosent i Nes mens den gjekk ned med heile 39 prosent i Nore og Uvdal.

Veke

I januar gjekk dei samla hotellovernattingane i Hallingdal opp med 10,6 prosent. Camping og hyttegrender auka med 14 prosent, og det var også flest overnattingsdøgn her, 75.022 mot 51.058 i hotell.

Det var flest nordmenn som overnatta på turistebedriftene i januar, 63.907, som var ein auke på 14,9 prosent, men utlendingane var hakk i hæl med 62.173 gjestedøgn. Det var ein auke på 10,4 prosent.