Flå opnar pol til påske
Vinmonopolet satsar på å opne polutsalet i Flå før påske.
Etter at Flå kommune har sett norgesrekord i saksbehandlingstid, ifølgje Vinmonopolet, er det no klart at polutsalet ikkje er langt unna.
Det skal etablerast i kjøpesenteret til Olav Thon. Flå kommunestyre godkjente plasseringa og gav salsløyve torsdag.
Artikkelen held fram under annonsen.
– Det er arbeidd lenge med å få Vinmonopolet til å etablere seg i Flå, sa ordførar Tor Egil Buøen.
Han slo fast at det var ein hyggjeleg søknad som låg på bordet.
– Dette treng me. Polutsalet er positivt for både innbyggjarane og turistane, sa Jostein Mehlum frå Bygdelista.
