Ideen er at bygget skal romme alt som trengst i ein byggeprosess. – Her vil kunden finne både arkitekt, graveentreprenør og alle handverkargrupper. I tillegg blir det byggevarebutikk på grunnplanet, seier Torleif Kinneberg (i midten). Assisterande anleggsleiar, Arne Halvor Dramstad (t.v.) og bas Ole Ronny Magnetun i Veidekke.
Ideen er at bygget skal romme alt som trengst i ein byggeprosess. – Her vil kunden finne både arkitekt, graveentreprenør og alle handverkargrupper. I tillegg blir det byggevarebutikk på grunnplanet, seier Torleif Kinneberg (i midten). Assisterande anleggsleiar, Arne Halvor Dramstad (t.v.) og bas Ole Ronny Magnetun i Veidekke.

Huset for dei henduge

Torleif Kinneberg har køyrt seg fast i det fylkeskommunale kulturminnebyråkratiet på Furuheimtomta. Men på Enden har alt gått på skinner.

Tor Folgerø tf@hallingdolen.no
Publisert: 23.01.2012 00:00 Sist oppdatert: 23.02.2017 13:37

I mars 2011 starta gravearbeida på næringstomta med utsikt over den vestlege innkøyringa til Gol. No er bygget reist og handverkarane arbeider med å gjere det ferdig. Målet er at det skal stå klart til bruk i månadsskiftet mars-april.

Handverkarar

Bygget skal ha utstillingsareal på grunnplanet og kontorareal i første og andre etasje. Byggmakker skal etablere seg i butikklokala, og i tilknyting til desse, får Kjøkkenforum Hallingdal utstillingsrom i underetasjen. I tillegg til kjøkken, leverer dei baderomsinnredning, flis og garderobeløysingar.

Artikkelen held fram under annonsen.

Kontorlokala skal fyllast med handverkarar.

– Ideen er at kunden skal finne alle faggrupper som trengst i eit byggeprosjekt på éin plass. Her er det både arkitekt, ingeniørar, graveentreprenør, tømrarar og alle byggfaglege handverkargrupper. I tillegg til byggevarebutikkar, skal det vere eit byggfagleg kompetansesenter, seier Kinneberg.

Smått og stort

– Me skal dekkje eit stort spekter av kundegrupper, alt frå dei som treng hjelp til å skifte ei dør til dei som har store prosjekt, seier han.

Torleif Kinneberg er byggherre og Veidekke totalentreprenør i det nye næringsbygget i Enden. – Dette er eit signalbygg som vil bli lagt merke til, seier Kinneberg.
Torleif Kinneberg er byggherre og Veidekke totalentreprenør i det nye næringsbygget i Enden. – Dette er eit signalbygg som vil bli lagt merke til, seier Kinneberg.
Bygget har luftige rom med stor takhøgd, store vindauge som gjev mykje dagslys på kontora, og vassboren jordvarme, som gjev låge driftskostnader. Torleif Kinneberg (f.v.), Arne Halvor Dramstad og Ole Ronny Magnetun inspiserer det som skal bli lunsjrommet.
Bygget har luftige rom med stor takhøgd, store vindauge som gjev mykje dagslys på kontora, og vassboren jordvarme, som gjev låge driftskostnader. Torleif Kinneberg (f.v.), Arne Halvor Dramstad og Ole Ronny Magnetun inspiserer det som skal bli lunsjrommet.
Veidekke Entreprenør AS er totalentreprenør for byggeprosjektet og blir også den største leigetakaren når bygget er ferdig. Arne Halvor Dramstad (f.v.) i Veidekke, byggherre Torleif Kinneberg og anleggsbas Ole Ronny Magnetun i Veidekke inspiserer dei nye kontora dei snart skal flytte inn i.
Veidekke Entreprenør AS er totalentreprenør for byggeprosjektet og blir også den største leigetakaren når bygget er ferdig. Arne Halvor Dramstad (f.v.) i Veidekke, byggherre Torleif Kinneberg og anleggsbas Ole Ronny Magnetun i Veidekke inspiserer dei nye kontora dei snart skal flytte inn i.
Veidekke Entreprenør AS er totalentreprenør for byggeprosjektet og blir også den største leigetakaren når bygget er ferdig. Arne Halvor Dramstad (f.v.) i Veidekke, byggherre Torleif Kinneberg og anleggsbas i Veidekke, Ole Ronny Magnetun, gler seg til å flytte inn i dei nye kontora.
Veidekke Entreprenør AS er totalentreprenør for byggeprosjektet og blir også den største leigetakaren når bygget er ferdig. Arne Halvor Dramstad (f.v.) i Veidekke, byggherre Torleif Kinneberg og anleggsbas i Veidekke, Ole Ronny Magnetun, gler seg til å flytte inn i dei nye kontora.

Den største leigetakaren blir firmaet Veidekke Entreprenør AS, avd. Hallingdal, som også har hatt totalentreprise på prosjektet. Når det nye næringsbygget står ferdig, flyttar administrasjonen frå Glitre og inn i nye lokale på Enden. Avdelinga har totalt 45 tilsette.

Vil bli lagt merke til

Evenstad Bygg & Tegning har teikna bygget. I likskap med entreprenøren, flyttar arkitektfirmaet inn i bygget dei har vore med å utvikle.

Bygget er utført i pussa sementfasade og forblending.

– Tanken er at det skal vere tilnærma vedlikehaldsfritt, seier Arne Halvor Dramstad, assisterande anleggsleiar i Veidekke.

– Det blir eit signalbygg av svært høg kvalitet. Bygget vil bli lagt merke til, trur Kinneberg.

Artikkelen held fram under annonsen.

Han meiner bygget på nesten 3.000 kvm har mange gode kvalitetar. Luftige rom med stor takhøgd, store vindauge som gjev mykje dagslys på kontora, og vassboren jordvarme, som gjev låge driftskostnader.

Når Enden er god

– Det er viktig å få fram at det skjer litt på Gol, seier Kinneberg.

Han synest det har vore mykje pessimistisk prat om stillstand i Gol. Sjølv har fått erfare at ikkje alle utbyggingsplanar har gått slik han hadde tenkt. På Furuheimtomta står framleis dei gamle husa og forfell. Dette stengjer for planane om eit forretningsbygg.

– I dette prosjektet har alt fungert etter oppskrifta. Eg er veldig nøgd med samarbeidet med kommunen, som også har betra innsynet til bygget ved å hogge skog. Samarbeidet med Veidekke har vore fantastisk. Likeins forholdet til naboane. Me har fått leige riggplass til anleggsbrakkene på tomta til Falck. Det har hatt mykje å seie for logistikken på byggjeplassen. Eg er glad for at i alle fall noko går på skinner, seier Kinneberg.

NYHEITER