Heidi Granli var fersk i politikken for fire år sidan. No blir ho Arbeiderpartiet sin ordførarkandidat i Gol. (Arkivfoto)

Tek over etter mor Olaug

Heidi Granli (30) blir Arbeiderpartiet sin ordførarkandidat i Gol.

Tor Folgerø

Publisert: 09.01.2015 00:00 Sist oppdatert: 15.02.2017 16:34

Det vart klart etter at partiet hadde nominasjonsmøte torsdag.

To kandidatar

På førehand knytte det seg spenning til kven som ville gå ut frå møtet som Arbeiderpartiet sin kandidat til ordførarvervet i Gol, varaordførar Hanne Brunborg eller Heidi Granli.

– Det pirra kanskje interessa at me la fram to alternative lister, seier leiar i nominasjonskomiteen, Sigrun Eng. Ho seier Heidi Granli vart vald med klar margin.

Kring 30 partimedlemmer møtte på nominasjonsmøtet. Det er om lag dobbelt så mange som sist.

Arva plassen etter Olaug

Heidi Granli er sjukepleiar og har jobba ved Hallingdal sjukestugu og Hallingdal Legevaktsentral. Ho har også vore tillitsvald for sjukepleiarane. Sidan 2013 har ho jobba som HMS-rådgjevar ved HAVA. Ho vart vald inn i kommunestyret ved førre val.

Då mor hennar, tidlegare ordførar Olaug Grønseth Granli, døydde i 2012, fekk ho den ledige plassen i formannskapet.

Den ferske ordførarkandidaten sat oppteken i møte fredag føremiddag. Det lukkast ikkje Hallingdølen å få ein kommentar.

Lista

1. Heidi Granli (30), sjukepleiar (kumulert)

2. Svein Eide (50), ingeniør (kumulert)

3. Hanne Brunborg (53) kommunalsjef

4. Jon Anders Hefte (48) byggeleiar

5. Martha Nistad (48) kokk/lærar

6. Leif Norhaug (60) frisør

7. Camilla Larsen Hoftun (35) adjunkt

8. Yngve Skaret (39) bonde

9. Birgit Rustberggard (55) administrasjonsleiar