Gjorde eit dagsverk på asylmottaket

For fire år sidan budde Behzad Sakhizade sjølv på asylmottaket på Tuv. Torsdag var han tilbake – for å gjere eit dagsverk.

– Eg tenke vel eigentleg berre at det ville vere mykje å gjere her, seier Behzad som er elev ved Hemsedal barne- og ungdomsskule. Men torsdag var det Operasjon Dagsverk som gjaldt.

No bur han og familien i Hemsedal. For få år sidan hadde han Hemsedal statlege asylmottak som heime å rekne. Mens mange av klassekameratane valde å arbeide heime, såg Behzad sitt snitt til å ta i eit tak for dei som berre har ein heim til låns.