Skøytebanen i Hol er islagt
Utesesongen på skøyteis i Hol startar i dag.
Minusgrader dei siste dagane har ført til at skøytebanen i Hol no er islagt. Fyrste torsdagsløpet denne sesongen blir avvikla i dag, 4. desember.
– Me gler oss til å koma i gang med torsdagsløpa. No ynskjer me oss kaldt og stabilt vintervêr framover, opplyser banemeister og isleggjar Kjell Eikrehagen.
Artikkelen held fram under annonsen.
Torsdagsløpa er fast tradisjon i Hol. Då møtest barn og vaksne frå heile bygda til skøyteskule og trening før dei avsluttar kvelden med kveldsmat inne på klubbhuset.
