Fryktar trøbbel med staten
Staten vil ta over den kommunale skatteinnkrevjinga. Det fell i dårleg jord ute i kommunane.
Rådmannen i Ål meiner skatteinnkrevjingsoppgåvene og føring av skatterekneskapen gir kommunane godt grunnlag for økonomisk langtidsplanlegging.
Å kunne gjere dette lokalt er også viktig for det kommunale sjølvstyret, då det mellom anna kan påverke kommunen sine inntekter.
Artikkelen held fram under annonsen.
Ei statleggjering av skatteinnkrevjinga vil gje lite ynskjelege verknader ved at viktige arbeidsplassar i distrikta vert nedlagde.
– Dette er dårleg distriktspolitikk, skriv rådmannen. Formannskapet skal behandle høyringsnotatet 9. februar.
