Kolberg fekk trampeklapp
Martin Kolberg seier nei til tvangssamanslåing. Ap kjem ikkje til å støtte regjeringa sitt framlegg til endra inntektssystem for kommunane.
Kolberg (Ap) formidla nyheita på Lokalsamfunnskonferansen på Gardermoen torsdag. Der var han for å debattere kommunereforma med leiar i Kommunalkomiteen på Stortinget, Helge Andre Njåstad (Frp) .
– Det er feil av regjeringa å presse gjennom reforma ved å bruke økonomiske verkemiddel. I lys av at kommunalminister Jan Tore Sanner seier det skal vere ein fri og demokratisk prosess, meiner me forslaga til endring i inntektssystemet vil føre til auka skeivfordeling. Det er me imot, sa Kolberg, ifølgjeKommunal Rapport. Avisa rapporterte om trampeklapp blant reformskeptikarane på konferansen, der også fire av hallingdalsordførarane var samla for å sondere om samanslåing eller samarbeid.
Artikkelen held fram under annonsen.
Kommunal Rapport skriv at status før innspurt av kommunereforma, er at nær ein tredel av norske kommunar anten i forhandlingar om samanslåing eller har levert søknad om samanslåing.
* 11 kommunar har søkt om samanslåing.
* 124 kommunar forhandlar om samanslåing, dei fleste på grunnlag av ein intensjonsavtale.
* 50 kommunar har avslutta prosessen etter å ha gjennomført ei utgreiing.
* 243 kommunane er i ulike stadium av ein utgreiingsfase, dei fleste er snart ferdige.
