Kjempar om X-Gamesbillett

I helga er det snowboardarane som kjempar om plass i den norske utgåva av X-Games.

Ekstremsportkonkurransen går i Hafjell i starten av mars, og deltakarane er stort sett spesialinvitert basert på tidlegare prestasjonar. Men nokre wildcards blir delt ut i nasjonale renn i løpet av vinteren.

Tidlegare i månaden konkurrerte skikøyrarane om wildcard i norgescupen. I helga er det norgescup i snøbrett i Trysil, med bigair fredag og slopestyle laurdag. Av dei lokale brettkøyrarane blir Stian Kleivdal trekt fram som ein kandidat til å sikre seg billetten til Hafjell.