Brua er open for trafikk - ingen synlege skader, seier vegeigaren

Brua over Hallingdalselva i Nesbyen er open.

Onsdag føremiddag vart brua stengt og det vart sett opp sperringar på både gangfelt og køyrefelt.

Då var det mistanke om det var fylling/fundament som sig. Ut på dagen kom Viken fylkeskommune, som eig vegen, på inspeksjon.

Etter kort tid vart brua opna att. Ifølgje Viken fylkeskommune vart det ikkje funne feil eller synlege skadar.

Det har uansett vore lite innbyggarane har fått gjort. Vegane i Nesbyen sentrum har vore stengt på grunn av den store flaumen.

Den einaste transportåra no, har vore med båt eller hjullastaren som fraktar folk over «Stripa».

Men onsdag kveld er vatnet på retur og vegane er snart fri for vatn.