Ein koronasmitta i Hol - ti sett i karantene
Det har vore nokre stille veker i Hol, men sundag fekk kommunen sitt tredje smittetilfelle i haust.
– Personen er smitta utanfor dalen, fortel smittevernlege Peter Schiellerup.
Smittesporarane har no kartlagt alle nærkontaktar til den smitta.
Artikkelen held fram under annonsen.
– Ti personar er sett i karantene. Dei vil bli testa i dag og i morgon, fortel Schiellerup.
Sundagens tilfelle er det tredje i Hol i haust. Det har vore ganske stille i kommunen, som ei periode i vår var hardast råka i heile landet.
Det positive prøvesvaret i Hol gjer at det no er 74 personar med bekrefta koronasmitte i Hallingdal. Tilfella fordeler seg slik:
| Kommune | Tal på smitta |
| Flå | 3 |
| Nesbyen | 8 |
| Gol | 41 |
| Ål | 13 |
| Hemsedal | 6 |
| Hol | 3 |
